CAGAYAN DE ORO CITY- Sugdan na sa dili madugay sa DENR ang ilang pagpasira sa mining companies nga naghatag ayuda o buhis ngadto sa tigpangilkil nga miembro sa rebeldeng New People’s Army o NPA.
Kini human mandu-i ni Pres Rodrigo Duterte nga sumpu-on ang paghatagan sa maong mining companies sa revolutionary tax ngadto sa mga rebelde.
Miingon si DENR Sec Roy Cimatu nga giporma na niini ang usa ka task force aron sugdan ang pag-imbestigar ug pagsilot sa pipila ka mining companies nga anaa sa listahan nga nagsuporta sa CPP-NPA extortion activities.
