CAGAYAN DE ORO CITY – Nakasuhan na’g kriminal ang retiradong empleyado sa city hall nga unang nangulekta’g 300 pesos nga membership fee gikan sa mga senior citizen ning syudad.
Kini human unang gimando ni City administrator Teddy Sabugaa nga ipasikop si Kris Shiella Nielles tungod sa gihimo niining mga ilegal nga koleksyon sa salapi gikan sa senior citizens.
Namahayag si Sabugaa dili angay magpadala sa tam-is nga mga pulong ang publiko aron kalikayan nga masulod sa pagpangilad.
Si Nielles ang nagsilbing provincial coordinator sa grupong Pearl of the Orient International Marian Workers Missionary Foundation Corporation nga naglihok sa pipila ka bahin sa nasud.
Samtang makagawas gihapon alang sa temporaryong kagawasan ang provincial coordinator nga si Nielles sa Pearl of the Orient International Marian Workers Missionary Foundation Corporation ning syudad.
Miingon si Police Staff Master Sgt Neil de la Alas sa Cogon Police Station nga mapiyansahan ang lima ka counts sa kasong kriminal nga giatubang ni Nielles.
Una nang gisaad sa maong grupo nga makadawat sa 12-mil pesos nga monthly pension,house and lot ug balor 2 milyon pesos nga debit card ang mahimong miembro sa grupo ni Nielles.
