Mipanaw na ang kanhi women’s national basketball player sa Pilipinas nga si Vicki Brick sa edad 43. Gikompirmar kini nga imormasyon sa iyang pamilya.
Subay sa report, naigo sa ovarian cancer ang kanhi basketbolista.
Niadto, midula pa si Brick isip point guard sa Maryland US NCAA.
Midula usab kini sa Philipipine Team o sa pagkakaron, naila nga – Gilas Pilipinas Women ilawom kang coach Fritz Gaston.
Kauban si Brick sa pagdaug sa Pilipinas sa bronze medal award dihang misalmot sa 2007 Southeast Asian Games nga gipahigayon sa Nakhon Ratchasima, Thailand.
Sa iyang pagbiya sa basketball, siya ang nangulo sa negosyo sa iyang pamilya, ang Brikc Bodies Fitness sa Baltimore, Estadus Unidos.
Giila sa iyang pamilya ang mipanaw nga negosyante ug basketbolista isip usa ka bayani.
