CAGAYAN DE ORO CITY-Sutaon sa kapolisan ang hinungdan sa kamatayon sa usa ka lalaki nga nadala diha sa Northern Mindanao Medical Center kaganihang kadlawon.
Kini human nakabsan sa kinabuhi ang biktima nga naila subay sa ID nga si Reynaldo Gudito Jr nga giingong residente sa Mantibugao, Manolo Fortich, Bukidnon.
Nagbaton sa samad sa ulo ang biktima tungod sa giingong pagka-disgrasya sa gisakyan niini nga motorsiklo sa Brgy Cugman ning syudad.
Kasamtangang anaa sa morge sa ospital ang biktima samtang gihulat mahidangat ang mga kabanay niini.
