CAGAYAN DE ORO CITY – Nalugwayan sa laing pila ka bulan ang pagdumala sa interim board of directors ingon man management sa Cagayan de Oro Water District o COWD ning syudad.
Kini subay sa gisulti ni interim COWD General Manager Fermin Jarales sa pag-atubang nila sa media kagahapon sa hapon.
Miingon si Jarales nga direktang mitawag kaniya ang kadagkuan sa Local Water Utilities Administration o LWUA aron ipahibalo nga dugang lugway sa pagdumala ang gihatag kaniya ug sa interim BODs.
Dumduman nga gitahasan ang interim mngt sa pagsulbad sa grabeng sulirang-pinansyal ug teknikal sa COWD kay nakit-an sa natl govt nga pakyas pagsulbad niini ang regular BODs ug mngt.
Nagtukmod usab kang Pres Bongbong Marcos nga pasudlon ang LWUA kay naputla’g suplay sa tubig ang COWD kay nagdumili pagbayad sa gi-kuwestiyon nga kolektahon sa Cagayan de Oro Bulk Water Incorporated sa miaging mga bulan.
Hisayrang mohupas ang unom ka bulan nga pagdumala sa interim mngt sa COWD sulod ning adlawa na lang unta.
