CAGAYAN DE ORO CITY – Mag-atubang sa kasong reckless imprudence resulting into homicide ang duha ka drivers nga dunay kalambigitan sa dugu-ong aksidente sa Diversion Road,Zone 8,Brgy Bulua sa syudad.
Kini human nag-resulta sa kamatayon sa biktima nga si Salvador Cabactulan, 46 anyos nga taga-Claveria,Misamis Oriental ang pagkabangga sa motorsiklo nga gimaneho ni Roldan Ipis nga Brgy Bayabas ning syudad ug nalatayan usab sa laing pribadong sakyanan.
Miingon si Cagayan de Oro City Police Office traffic investigator Police Chief Master Raul Ruaya nga subay sa imbestigasyon nga mitabok sa pikas tampi ang biktima aron mobalik sigarilyo apan disgrasyang nabangaan sa motorsiklo ug nalatayan sa kusog nga dagan nga pribadong sakyanan.
Dismayado usab ang mga saksi kay nagpaturagas pagpadagan pasibat ang drayber sa kolor puti nga pribadong sakyanan aron makalikay sa atraso.
