CAGAYAN DE ORO CITY – Ipatawag sa House committee on suffrage and electoral reforms sa gihapon ang mag-amahang City Mayor Rolando ‘Klarex Uy ug Carmen Punong Brgy Kikang Uy ingon man pipila ka city hall managers.
Kini tungod tungod gihapon sa isyu sa katingad-an nga pagsaka sa ihap sa mga bag-ong botante nga mi-sentro lang pagpa-rehistro sa Brgy Carmen ning tuiga.
Miingon si Cagayan de Oro 1st District Cong. Lordan Suan nga maghulat sila sa laing iskedyul sa maong pagdungog aron mahatagan sa katin-awan ang maong isyu nga nalambigit ang syudad.
Una nang wala maapil sa agenda ang maong isyu dihang nagtagbo ang komitiba kay prioridad ang hisgutanan sa Bangsamoro Autonomous Region in Muslim Mindanao o BARMM elections sa miaging Lunes.
