CAGAYAN DE ORO CITY – Pakyas pa gihapon makit-an sa search and retrieval teams ang magtiayon ug ang 3-anyos nila nga anak nga unang nawala kay kalit nahunlak ang yuta epekto sa grabeng pag-ulan diin mitugpa sa napulo ka balay sa Sityo Minalong,Barangay Kahusayan,Kitaotao,Bukidnon.
Kini human pabiling wala pa gihapon makit-i ang magtiayon nga sila Ryan,42;Echel Cortez ug ilang anak nga si Elizabeth dihang natigayon ang dahili sa yuta sa miaging Martes sa kagabii.
Miingon si Police Regional Office 10 spokesperson Major Joann Navarro nga nalanga’g samot ang pagpangita sa mga biktima kay wala’y hunong ang pagbundak sa pag-ulan sa landside site nga magbutang sa peligro sa retrieval teams.
Una nang nanglugwa ang impormasyon nga posibleng nalubong ng mga biktima sa nahugno nga yuta kay kon nakalinggawas pa,makit-an unta kini sa mga opisyales sa barangay ug mga silingan niini.
Dumduman nga nag-abiso na daw ang brgy opisyales sa temporaryong pagbakwit apan samtang kamulo’g kuha sa importanteng kagamitan ang magtiayon ayha molakaw,maoy pagkahugno sa yuta epekto sa pag-ulan sa nahisgutang gabii.
Hisayrang bugtong ang anak nila nga si Razel ang naluwas sa hitabo samtang dunay laing duha ka silingan ang samaron ug unom ka balay ang natabunan sa yuta.
