CAGAYAN DE ORO CITY-Nagdumili pagkompirmar ang kampo ni City Mayor Oscar Moreno kabahin sa nagkatag nga report nga gisilbi sa DILG-10 ang dismissal order batok kaniya gikan sa Ombudsman diha sa city hall ning syudad kagahapon sa hapon.
Kini unang nabantayan ang presensiya sa pipila ka police officers nga dili sagad makit-an sa katawhan sa maong lugar kagahapong adlawa.
Miingon ang alyado ni Moreno nga si Gusa Brgy Kap Marlo Tabac nga wala siya’y nadawat nga report kabahin sa gilugwa nga pag-dismiss kang Moreno.
Giklaro ni Tabac nga andam nila tahuron kon ugaling adunay molugwa nga dismissal order apan katungod usab ni Moreno nga pangitaa’g paagi nga kini mapugngan samtang padayong dunggon ang mga kaso gipasaka sa Ombudsman batok kaniya.
Una niini,milugwa ang report nga mismo ang bag-ong asst regional director kuyog ang legal officer sa DILG-10 ang giingong mi-silbi sa mando batok Moreno kagahapon sa hapon.
Nasayran nga mismo si City Information Officer Maricel Casino Rivera ang dili usab maka-kompirmar ug gitugyan ang hisgutanan kang Atty Dale Brian Mordeno kinsa chief legal officer ni Moreno sa maong kaso.
