CAGAYAN DE ORO CITY – Gibulgar ni CIDG-Lanao del Norte Provincial Field Unit spokesperson Pol. Capt. Jerome Villegas nga nakadawat sila’g intelligence report nga giggamit ang panimalay ni Mary Ann Canoy isip ponduhanan sa high-powered guns and ammunition nga giingong gamiton sa May 13 midterm elections.
CIDG-Lanao del Norte Provincial Field Unit spokesperson Pol. Capt. Jerome Villegas
Siya miingon nga kini ang rason sa pag-isyu ni Hon. Alberto Quinto, presiding judge sa 12th Judicial Region, Kapatagan Lanao del Norte Regional Trial Court, Branch 21 sa search warrant batok sa akusado.
Dugang pa niini nga maoy ilang pokus sa imbestigasyon nga mahibal-an kung kinsa ang tag-iya sa usa ka shotgun, duha ka (2) Colt M16 A1, usa ka Elisco M16 A1 diin tampered ang serial number, duha (2) ka Garand rifle, unom (6) ka bandoliers, usa ka holster, Llama caliber .45 pistol, duha (2) ka magazines sa caliber .44 firearm ug tulo ka karton sa assorted ammunition nga nakuha ilawom sa iyang higdaanan.
