CAGAYAN DE ORO CITY-Gibaharan ni Senate President Koko Pimentel ang mga politiko nga nagkisi-kisi pagpasakop sa partido PDP-Laban ni Presidente Rodrigo Duterte.
Gihimo ni Pimentel ang pasidaan sa wala pa gihimo ang pagpahurar sa kapin 7-mil ka bag-ong miembro sa PDP-Laban sa USTP gym ning syudad sa miaging semana.
Miingon si Pimentel nga dili mahimo nga magpa-miembro kadtong mga politiko nga supak ug wala makasabot sa krusada ni Presidente Duterte kabahin sa pederalismo.
Kabahin sa mga nanumpa gikan sa nagkadaiyang mga partido padulong sa PDP-Laban sila si City Mayor Oscar Moreno; Vice Mayor Kikang Uy; Cong Klarex Uy; 12 ka city councilors, Misamis Oriental 1st District Rep Pedro Unabia ug siyam ka mga mayor gikan sa lalawigan.
