CAGAYAN DE ORO CITY-Madugta sa prisohan ang ambulance municipal driver human kasuhi sa kasong pagpayuhot ug illegal possession of shabu sa piskalya ning syudad.
Kini human unang nasikop sa PDEA-10 ug NBI-10 ang suspek nga Anselmo Pandram nga ambulance driver sa local govt unit sa Opol,Misamis Oriental.
Sumala ni PDEA Misamis Oriental team agent GM Gomez nga nakuha nila gikan kang Pandram ang 10 gramos nga gitoohang shabu diin nagbalor sa 70-mil pesos.
Giila si Pandran isip ika-3 sa listahan sa high valued target sa Opol Municipal Station ug ika-9 nga high valued target sa NBI-10 ug PDEA tungod sa iyang lapad nga transaksyon sa pagpamaligya ug druga sa sa lalawigan sa Misamis Oriental.
Hisayrang gawas kang Pandram,gikasuhan usab ang duha ka ig-agaw niini nga aktong nasikop usab sa raiding team sa maong lugar ning semanaha.
