CAGAYAN DE ORO CITY-Naluwas na gikan sa peligro nga kahimtang ang opisyal sa Misamis Oriental Farmers Association o MOFA diha sa Puting Balas,Talisayan ning lalawigan.
Kini human pusila sa motorcycle in tandem ang si MOFA organizer Arturo Colao,57 anyos ,minyo ug nagpuyo sa Balingasag,Misamis Oriental.
Miingon si Erenio Udarbe,chairperson sa Kilusang Magbubukid ng Pilipinas-Misamis Oriental chapter nga giawhag nila ang mga otoridad nga mohimo’g tinud-anay nga imbestigasyon kabahin sa kaso ni Colao.
Si Colao ang gilabyan sa motorcycle in tandem suspects ug gipusil sa wala matino nga hinungdan.
Giyagyag ni Udarbe nga kini na ang giingong ika-111 ka kaso nga gi-atake ang mga aktibistang mag-uuma diin 110 niini ang nag-resulta sa kamatayon sa nagkadaiyang bahin sa nasud.
