CAGAYAN DE ORO CITY- Gipanguluhan ni Gov Bambi Emano ang ‘Paghandum’ activity alayon sa ika-20 ka tuig nang pagkahagsa sa Cebu Pacific flight 387 sa bukid sa Brgy Aposkahoy,Claveria ning lalawigan karong adlawa.
Kini aron halaran sa santos nga misa aron mapaambot ang pag-ampo alang sa mga kalag sa 103 ka pasahero ug mga crew sa maong eroplano dihang nahagsa niadtong Pebrero 2,1998.
Gani,may mga pasiunang aktibidad na ang gihimo sa mga empleyado sa kapitolyo ingon man sa mga kabanay sa mga biktima kagabii.
Dumduman nga sakay sa maong eroplano ang lima ka crews ug 94 ka Pinoy nga pasahero nga naglakip sa lima ka bata.
Nakasakay usab sa maong flight ang lima ka langyaw nga gilakipan sa Australia national, taga Austria, Japanese, taga-Switzerland, taga-Canada ug laing usa US surgeon nga mulusad unta sa nasud.
Gani,ang Bombo Radyo Coverage team ang pinakauna nga nakaabot sa crash site diin narekober ang pipila ka patay’ng lawas sa mga pasahero ug tipaka sa eroplano.
Nasayran nga sagad sa mga narekober nga patay’ng lawas sa mga pasahero ang gilubong sa Oro Gardens diha Brgy Lumbia ning syudad.
