CAGAYAN DE ORO CITY-Gidid-an na ang mountain hikers nga makasaka sa historical nga bukid sa Sumagaya ug Mt Lumot sa Claveria, Misamis Oriental.
Kini human nadiskobre nga naghinay-hinay na’g kadaot ang maong mga bukid nga kanhi nahagsaan sa Cebu Pacific Flight 387 diin nahurot kamatay ang 104 ka tawo nga sakay niini.
Miingon si Claveria Mayor Mira Salvaleon Abrogar nga gilugwa niya ang kamanduan aron maproteksyonan ang kinaiyahan ug ang mga tawo nga mibisita sa ilang lungsod.
Gihimo ni Abrogar ang anunsyo pinaagi sa Bombo Radyo atol sa pagbalik-lantaw sa ika-20 ka tuig nang milabay gikan pagkahagsa sa eroplano niadtong petsa 2 sa Pebrero 1998.
