Gihandom karong adlawa ang National Flag Day pinaagi sa mga commemorative rites sa nagkadaiyang makasaysayanong dapit sa nasod. Sumala ni NHCP Historic Sites Development Officer Eufemio Agbayani III, usa sa mga sentro sa seremonya ang Alapan Shrine sa Imus, Cavite, diin natigayon ang unang dakong kadaugan sa mga Pilipino batok sa mga Espanyol niadtong Mayo 1898.
Gisaulog usab sa Cavite City ang dapit diin unang giwagayway sa publiko ni Heneral Emilio Aguinaldo ang nasodnong bandila.
Gawas sa Cavite, duna puy dungan nga kalihokan sa Rizal Park, Luneta sa Manila nga gipangunahan sa Salute to a Clean Flag Movement.
Tungod niini, nanawagan ang NHCP sa mga local government units ug pribadong sektor nga magpahigayon bisan og simpleng flag ceremony isip pagpakita sa pagka-pilipino.
