Nanawagan ang National Historical Commission of the Philippines kun NHCP sa publiko nga seryosohon ug hatagan sa saktong pagtahod ang nasudnong watawat dungan sa pagsaulog sa National Flag Days.
Matod pa ni Eufemio Agbayani III sa NHCP, susama sa “Simbang Gabi” sa Pasko ang maong selebrasyon diin hinay-hinay nga gina-dekorasyonan ang mga balay ug opisina sugod Mayo 28 hangtod Hunyo 12 aron ipakita ang gugma sa nasod.
Gipahinumdoman usab niya ang mga raliyista, atleta, ug mga moapil sa beauty pageant nga bawal pasayaron sa yuta ang flag, himoong habol, o sulatan tungod kay simbolo kini sa dignidad sa Pilipinas.
Alang sa kompleto ug detalyadong listahan sa mga “do’s and don’ts,” giawhag sa opisyal ang katawhan nga basahon ang Flag and Heraldic Code of the Philippines kun Republic Act 8491.
Mamahimo kining ma-access ug makita sa publiko pinaagi sa pagbisita sa opisyal nga website sa NHCP o sa ilang National Memory Project sa memory.nhcp.gov.ph (jane abulag)
