CAGAYAN DE ORO CITY – Dili igsapayan sa Cagayan de Oro City Police Office o COCPO nga nag-negatibo sa ballistic ug paraffin tests ang aktibong pulis nga gitudlong mipusil-patay sa giingong ilang police asset sa Sitio Pinikitan,Brgy Camaman-an ning syudad.
Kini ang gihatag nga katin-awan ni Cogon Police Station commander Major Sabino Labitad kabahin sa kompirmasyon niini nga wala maigo sa maong mga pasulit ang pulis nga gitudlo sa mga testigo nga mipatay sa gitoohang asset nga si Henry Pimentel sa lugar niadtong Marso 24 ning tuiga.
Miingon si Labitad nga kabahin lang sa kompirmasyon ang maong mga pasulit apan maoy bug-at nila nga nahuptan ang mga testigo nga giingong saksi sa nahitabo kang Pimentel.
Hisayrang gawas sa mga buhing testigo,hawid usab sa mga otoridad ang pipila ka footages sa CCTV diin nasulod gihapon ang hitsura sa maong pulis kinsa detinado na BMJP costudy sa Lumbia City Jail ning syudad.
