CAGAYAN DE ORO CITY-Ihatod na sa katapusang pahulayan si USTP president Dr Ricardo ‘Ric’ Rotoras
diha sa Greenhills Memorial Gardens, Brgy Bulua sa syudad karong buntag.
Kini human nahukman sa kabanay sa biktima nga siya ilubong na samtang gipanganti ang pagkab-ot sa hustisya sa hitabo.
Gibutyag ni USTP spokesperson Jenn Sitoy nga mohimo pa’g katapusang santos nga misa sa USTP gym ayha dad-on si
Rotoras sa memorial gardens ning adlawa.
Gipangayo sa pamilyang Rotoras,USTP community ug sa mga nakaila kaniya ang paspas nga pagsulbad sa kaso pinaagi sa pagsikop sa mastermind sa kremin.
Samtang giawhag usab ni USTP faculty member Joselito Salbabaro ang tanan nga mokuyog sa prosesyon nga
magdala’g payong ug tubig.
Kini sa pagsiguro nga dili sila direktang maapektuhan sa kainit sa adlaw samtang padulong Greenhills ang patay’ng lawas ni Rotoras.
Gitin-aw ni Salbabaro nga mahitabo ang last viewing sugod alas 6 sa buntag.Hinoon walay gibutyag nga dress code nga suoton sa mga mutambong sa haya ning adlawa.
