CAGAYAN DE ORO CITY-Giawhag karon kadtong nawad-an sa kabanay nga makig-koordinar sa kapolisan sa lungsod sa Salay,Misamis Oriental.
Kini human nila mapalgi pinaagi sa tabang sa mga mananagat ang patay’ng lawas sa usa ka lalaki nga naglutaw-lutaw sa lawod nga bahin sa lalawigan sa miaging gabii.
Gibutyag ni SPO1 Jason Dablo,imbestigador sa Salay Police Station nga posibleng ang maong biktima naggikan sa isla sa Camiguin.
Naglisod na sa pag-ila ang kapolisan tungod kay ubos na sa pagkadugta ang lawas sa maong biktima.
Gipahimutang na ang biktima sa Ranas Funeral Services nga nakabase sa lungsod sa Balingasag ning lalawigan.
