CAGAYAN DE ORO CITY-Nahatagan sa promosyon sa pagsaka sa ranggo ang kapin gatos ka miembro sa Philippine Coast Guard Northern Mindanao Station.
Kini tungod sa ilang pag-abag sa militar ug PNP batok sa pagpuhag sa mga teroristang Maute-ISIS sa Marawi City niadtong Mayo 2017.
Miingon is Alvin Austria, ensign operation officer sa PCG Cagayan de Oro Station nga kabahin sa nahataga’g promosyon ang ilang tulo ka opisyal atol sa ‘donning of ranks’ sa ilang headquarters ning syudad kagahapon sa hapon.
Hisayrang kabahin sa trabaho sa PCG-10 ang paghatag seguridad batok sa mga terorista nga makasulod ug makagawas sa Lake Lanao.
