Gisentensiyahan na og 41 ka bulan nga pagkabilanggo sa federal court si Kenneth Iwamasa, ang personal assistant sa mipanaw nga Hollywood star nga si Matthew Perry.
Niangkon si Iwamasa nga sad-an sa kasong conspiracy, human niya gi-injectan ang aktor og makamatay nga dosis sa ketamine niadtong Oktubre 2023bisan wala siyay lisensya isip doktor o nurse.
Gikubsan ang sentensiya sa assistant isip bahin sa iyang plea deal, human siya nikooperar sa mga awtoridad aron mabungkag ang dakong black-market sa ketamine didto sa Los Angeles.
Grabe ang kasubo ug kasuko sa pamilya ni Perry. Matud nila, dako kaayo ang ilang pagsalig kang Iwamasa, apan gibudhian lang sila niini tungod sa kwarta ug personal nga interes.
Si Iwamasa ang ikalima ug kataposang nalambigit nga gipahatagan og sentensiya sa korte, human usab napriso og 15 ka tuig ang supplier nga nailang “Ketamine Queen.” (jane abulag)
