(Update) CAGAYAN DE ORO CITY – Anggulo sa away-pamilya o rido ang pasiunang gitoohan sa kapolisan sa pag-ambush patay sa aktibong brgy kapitanes sa Brgy Montay,Malabang,Lanao del Sur.
Kini subay sa pasiunang imbestigasyon sa kapolisan, pinakaduol ang isyu rido kung nganong gibanhigan-patay ang biktima nga si Baraas Punong Brgy Binhar Alon Jawad, 25 anyos nga residente sa lungsod sa Picong sa maong lalawigan.
Matud ni Lt Col Jopy Ventura,tigpamaba sa Police Regional Office-Bangsamoro Autonomous Region nga nagporma na sila sa Special Investigation Task Group aron paspasan ang pagsulbad sa kamatayon sa biktima.
Siya miingon nga migamit sa sa kalibre M-16 ang mga suspek nga sakay sa pribadong sakyanan aron patyon ang biktima nga adunay pagtambong unta sa graduation rite sa Malabang dihang natigayon ang pagpamanhig.
Sa pagkutlo ning balita, wala pa’y dugang impormasyon ang mga imbestigador sa nahitabo ni Jawad.
Dumduman nga samaron sa maong hitabo ang kauban sa biktima nga si Norhan Sarip kagahapong adlawa.
