CAGAYAN DE ORO CITY – Gisalig na lang sa Cagayan de Oro City Police Office o COCPO sa piskalya ang pagtaral sa kasong kriminal batok sa aktibong pulis nga akusadong sa kasong murder sa pagpusil-patay niini sa iyang kaugalingong police asset sa Sitio Pinikitan,Brgy Camaman-an sa dakbayan.
Kini bisan nga nag-negatibo sa ballistic ug paraffin examinations ang maong pulis nga kanhi na destino sa Divisoria Police Station bisan nga nakit-an sa mga saksi nga maoy mipusil-patay sa biktima nga si Henry Pimentel sa lugar sa miaging Marso 24 ning tuiga.
Namahayag si Cogon Police Station commander Major Sabino Labitad nga wala na kanila ang bola apan anaa na sa prosekusyon aron ipalig-on ang kasong pagpatay batok sa ilang pulis nga akusado sa kamatayon ni Pimentel.
Hisayrang nasaka na sa Lumbia City Jail ang maong akusado alang sa kasong criminal samtang kamulo pa usab ang pagdungog sa tulubagong administratibo niini sa City Internal Affairs Service o CIAS nga nakabase sa COCPO.
