CAGAYAN DE ORO CITY-Dili pa matubag sa pamilyang Rotoras ang akusasyon ni Wing-An Construction and Devt Corporation Pres Engr Selwyn Lao nga ‘bagman’ ni late USTP President Dr Ricardo Rotoras si detained Architect Rey Galua.
Sa ekslusibong interview sa Bombo Radyo, gibutyag ni Eldie Rotoras nga wala siya’y kasayuran sa maong akusasyon hinungdan nga iya unang konsultahon ang ilang legal counsel kalabot na sa maong rebelasyon.
Una nang gibutyag ni Lao nga naundang ang proyekto nga 8- storey USTP student center gumikan sa pagdumili niini sa pagsunod sa kagustuhan nga gihimo ni Galua subay usab sa mando ni Rotoras nga giingong ‘under the table transactions.
Siya miingon nga mismo si Galua ang gi-trabaho ni Rotoras aron makuha ang 10 porsiento o anaa sa 20 milyon pesos nga bahin sa maong proyekto.
Apan giingong naglisod si Lao paghatag niini hinungdan nga 4 porsiento lamang ang iyang gitanyag apan gibalibaran kini rason nga nasibog ang proyekto.
