CAGAYAN DE ORO CITY-Gipaubos sa hospital arrest ang person of interest sa kasong pagpatay ni late USTP ug PASUC president Dr Ricardo Rotoras.
Miingon si CIDG chief investigator SPO4 Noel Oclarit nga subay kini sa hangyo sa doktor ni Architect Rey Galua nga unang nasikop tungod sa pagbaton sa dili lisensiyadong mga armas.
Gibutyag ni Oclarit nga kalit daw naghugot ang ginhawa ni Galua hinungdan dali gidala Polymedic Medical Plaza.
Samtang kasuhan sa CIDG-10 sa pagbaton sa ilegal nga mga armas si Architect Rey Galua sa piskalya sa dakbayan karong hapon.
Gibutyag ni Oclarit nga ipaubos nila sa inquest proceedings si Galua tungod sa paghupot sa mga tag-as nga kalibre sa mga armas gikan sa pinuy-anan ning syudad kagahapong adlawa.
Samtang mopaubos sa preliminary investigation si Architect Rey Galua paghuman nga ma-inquest sa CIDG-10 diha sa piskalya ning syudad karong hapon.
Kini aron mangayo sila’g napulo ka adlaw aron matubag ang pasangil sa mga otoridad kabahin sa nakuha nga mga armas.
Gibutyag sa abogado ni Galua nga si Atty Arturo Ubaub nga hulaton usab nila ang pormal nga pagkaso sa CIDG-10 kon ugaling ilambigit sila sa kamatayon ni Rotoras.
Si Rotoras ang gipatay sa duha ka suspek mismo sa iyang pinuy-anan sa Upper Carmen sa syudad niadtong Disyembre 2017.
