Wala pa’y tubag ang liderato sa senado nga miuyon sila ipalabang atol sa bicameral committee conference ang kanhi na giwagtang ni Senador Imee Marcos nga P39-B nga pondo alang programang Ayuda sa Kapos Ang Kita Program (AKAP) sa Dept of Social Welfare and Development o DSWD nga unang nadiskobre nga wala sa bersyon sa approved proposed national budget sa kamarabaha.
Kini human nanglugwa ang impormasyon nga giuyunan sa pipila ka senador ang gipangayo ni Speaker Martin Romualdez pinaagi sa DSWD sa kondisyon nga makakuha usab sa pahat ang senado alang niini.
Unang gipalusot ang sobra P26- B AKAP fund sa bicameral conference committee kay gipamugos sa kamarabaha nga angayan kining mahatagan sa higayon alang sa minimum wage earners nga apil apektado sa pagsaka sa mga presyo sa batakang palaliton.
Gibutyag usab ni Romualdez nga tungod sa pagbalik sa AKAP funds bisan wala sa budget items sa sobra 6.3 trilyones pesos nga pondo alang sa tuig 2025, makig-koodinar kini sa senado.
Nanglugwa ang pipila ka impormasyon nga mopadulong sa senado ang 5 bilyones pesos sa AKAP funds.
Dumduman nga mipalag si Romualdez sa mga senador dihang wala palutsa ni Sen Imee ang AKAP funds nga gi-depensa sa DSWD sa budget deliberations.
Hisayrang gikonsidera sa pipila nga pamulitika ang nag-unang tuyo sa AKAP nga mas unang napatuman bisan nga wala ang implementing rules and regulations (IRR).
