CAGAYAN DE ORO CITY-Patay ang trisikad driver dihang gitabanga’g dunggab ug tigbas sa magsoong suspek diha sa Ilaya,Upper Carmen ning syudad kaganihang kadlawon.
Giila ni SPO3 Emmanuel Labial sa Carmen Police Station ang biktima nga si Napoleon Quimada,27 anyos,bulag sa asawa ug nagpuyo sa Sitio Calaanan,Brgy Canitoan ning syudad.
Miiingon si Labial nga igo lamang natulog ang biktima sa iyang sikad dihang giduulan sa magsoong alyas Rudy ug Tata diin gilayong dunggab ug tigbas niini.
Nakadanggan pa ang biktima apan wala nakabsan gihapon kini sa kinabuhi.Una niini,emosyonal nga nangayo’g hustisya ang pamilya sa gidangatan sa biktima.
Miingon ang inahan ni Napoleon nga si Lourdes Quimada nga unta motahan na ang magsoong suspek aron atubangon ang salaod nga ilang nahimo.
