Napatay sa usa ka targeted airstrike sa Israel si Mohammad Odeh, ang labing taas nga opisyal sa armed wing sa Hamas, uban sa iyang asawa, anak, ug tulo pa ka mga sibilyan didto sa Gaza.
Sumala sa mga tinubdan, si Odeh na lang ang pinakaultimong buhi nga miyembro sa labing gamhanang leadership council sa Hamas, hinungdan nga dako kini nga kakuwangon sa maong grupo samtang nagpabiling pilit ang peace talks nga gipangulohan sa Estados Unidos.
Bisan pa man sa gipatuman nga ceasefire, gipahayag sa Defense Minister sa Israel nga wala na’y kontrol ang Hamas sa Gaza ug duna sila’y giandam nga plano alang sa “voluntary migration” o pagpabakwit sa mga lumulupyo.
Apan hugot nga gibalibaran ug gisupak sa mga mulo-upyong Palistino ang maong plano tungod kay dili nila papayagang mapapahawa sila gikan sa ilang kaugalingong yuta. Sa kasamtangan, misaka pa sa kapin siyam ka gatos (900) ka mga Palistino ug upat ka sundawo sa Israel ang nakalas sukad sa gipahigayon nga truce o sabot-sabot niadtong Oktubre. (jane abulag)
