CAGAYAN DE ORO CITY-Kasuhan sa PNP sa kasupakan sa Anti-Child Abuse Act sa RA 7610 ang Turko nga mihupot ug menor de edad sulod sa usa ka motel ning syudad.
Giila ni PO2 Merlyn Francisco sa Divisoria Police Station ang suspek nga si Mehmet Darendag, 37 anyos ug nagpuyo sa Upper Balulang ning syudad.
Miingon si Francisco nga adunay nagpakabana nga lungsuranon ang midangop sa ilang buhatan diin nagsulti nga nakit-an niini si Darendag nga nagkuyog sa usa ka babayeng menor de edad.
Kini ang hinungdan nga gilayong gihan-ay ang operasyon aron masudlan ang lawak diin nag-check in ang suspek ug maluwas ang biktima.
Nasayran usab nga nahimong sayon sa pag-ilad sa suspek ang biktima kay kini nagsilbi usab nga commercial sex worker ning dakbayan.
