CAGAYAN DE ORO CITY-Patay nang nakit-an sulod sa kuwarto ang usa ka ulitawo nga gikan nag-inom kuyog ang mga barkada diha sa Upper Zone 3,Brgy Bulua ning syudad.
Kini human gitoohang na cardiac arrest ang biktima nga si Marlon Cartagena,30 anyos ug nagpuyo sa maong dapit.
Miingon si Bulua Police Station commander C/Insp Gil Agpaoa nga wala’y nakit-ang bisan unsa nga ilhanan nga migamit sa kusog ang biktima hinungdang dili sila kumbinsido nga may foul play niini.
Apan gisugyot gihapon sa kapolisan nga angayang ipaubos sa otopsiya ang biktima aron masuta ang hinungdan sa kamatayon niini.
