CAGAYAN DE ORO CITY – Kasuhan sa kapolisan sa pagsupak sa gun ban violation ang duha ka sibilyan nga nagkupot sa replica nga armas ug nakasul-ob pa sa bonet nga gilayong nadakpan sa kapolisan nga gipakatag sa Camiguin.
Kini human i-alarma ni kanhi Bonbon Punong Brgy Christopher ‘Toping’ Rodriguez nga nasiplatan sa iyang mga residente ang presensiya sa duruha nga nakasul-ob sa bonnet hinungdang paspas gitaho sa kapolisan.
Miingon si Police Regional Office 10 spokesperson Major Joann Navarro nga sa pagrikisa sa kadagkuan sa ilang kadagkuan gikan mismo sa Camp Alagar,nabawian sa dulaan nga armas ang duruha hinungdang gipangdakop ug gibalhog sa mini-cell sa Catarman.
Gibutyag ni Navarro nga gihimuan pa sa usab sa dugang imbestigasyon sa lower units ang duruha kay gitudlo sila sa mga residente nga susama nga mihimo’g pagpanghalok kanila sa milbay’ng brgy ug sk elections tuig 2023 sa lungsod.
Kini ang hinungdan nga gipadal-a’g usa ka team ni PRO 10 Director Brig Gen Jaysen de Guzman ang Camiguin kay natugaw na ang kahusayg kalinaw sa isla epekto sa pagkasunog sa media van ni kanhi COPC president Dr. Manny Jaudian sa lungsod sa Sagay,Camiguin sa miaging semana.
Hisayrang natawag ang atensyon sa PRO 10 sa Camiguin kay adunay kainit sa panagribal sa politika ang pipila ka incumbent elected officials ug local opposition candidates sa lugar.
