CAGAYAN DE ORO CITY – Sikop ang usa ka lalake human masikop sa entrapment operation sa mga otoridad tungod sa pagpakatag sa hubo nga hulagway sa iyang kanhi hinigugma sa social media ning syudad.
Giila ang suspetsado nga si Allen Reyes, 33-anyos,ulitawo ug nagpuyo sa Julio Pacana St. ning syudad.
Gibutyag ni Police Lt. Col. Tawide Galleon, deputy Station Commander sa Agora Police Station nga wala makadawat si Reyes sa pakigbulag sa iyang kanhi uyab kaniya busa gi-post niini ang mga hubo nga hulagway.
Midangop sa buhatan sa Regional Anti-cybercrime unit 10 ang biktima rason nga daling gikasa ang operation nga nagresulta sa pagkasikop sa suspetsado.
