CAGAYAN DE ORO CITY – Gipangita sa kapolisan ang tulo ka batan-ong lalaki nga ulahing gikauban sa 50 anyos nga miembro sa LGBTQ plus nga kakuyog pagsulod sa inn sa Capistrano Street,Brgy 7 ning syudad.
Kini human patay nang nakit-ang maong lalaking LGBTQ plus sulod sa gisudlan nila nga lawak Beatrice Inn diin gitaguan pa ilawom sa kama ug hiniktan sa tuwalya ang mga tiil.
Subay sa inisyal nga pakisusi sa kapolisan nga gitutok sa pipila ka roomboy ang maong lawak aron sutaon kon magdugang oras pa ba o dili na ang biktima kuyog ang maong mga batan-on.
Apan wala na’y mitubag rason nga gilayon nila gibuksan ang lawak ug nakit-an ang kamot sa biktima nga migimaw rason nga gitaho ngadto sa kapolisan.
Gitoohan sa kapolisan nga dunay foul play sa kamatayon sa biktima tungod sa kahimtang niini hinungdang gisugyot nga ipaubos sa otopsiya.
Sa pagkutlo ning balita, wala pa’y giya ang Divisoria Police Station ubos ni Major Peter Tajor kon kinsa ang maong mga batan-on nga gikauban sa biktima pag-check-in nga nag-resulta sa ka kremin.
