CAGAYAN DE ORO CITY – Gisugdan na’g paniid sa mga operatiba sa intelligence section sa Puerto Police Station kung kinsa ang mga mi-atake sa tindahan sa motorsiklo sa Brgy Puerto ning syudad.
Kini human ulahi nang nadiskobre sa mga empleyado nga abli na ang kandadto sa Desmark Puerto Branch rason nasudlan ug nadala ang gamay’ng cash balor 40-mil pesos kapin kung kulang.
Namahayag si Police Capt Emily Simon,deputy spokesperson sa Cagayan de Oro City Police Office nga gilalihok na nila ang mga mga operatiba sa intelligence unit aron matabangan ang Puerto Police Station alang sa pagsulbad sa maong pagpanglungkab.
Siya miingon nga kamulo nga nangulekta sa kopya sa CCTV camera footages ang mga imbestigador sa pamasin nga nakuhaan sa hulagway ang mga wala ilhi nga mga tulisan.
Gipasalig sa COCPO nga mahatagan sa dinaliang sulbad ang maong kremin sa mas dali nga panahon.
Giaghat usab sa kapolisan ang kooperasyon sa nagdumala sa tindahan alang sa dugang impormasyon nga magamit sa pagpangita sa mga kawatan.
