CAGAYAN DE ORO CITY – Patay ang duha ka notoryos drug pusher sa gilusad nga joint drug buy bust operation sa Villanueva Municipal Police Station ug Provincial Drugs Enforcement Unit sa Sitio Ivlo, Brgy Looc, Villanueva, Misamis Oriental, kaganina sa kadlawon.
Giila ni Police Captain Rodney Gaid ang misukol nga mga suspek nga sila Jason Sevilla Cabajar, DI Listed, ug wanted person sa kasong frustrated murder ug si Gomercindo Isabida Moral Jr., pulos hingkod ang edad ug residente sa Brgy. Puerto, ning syudad.
Namahayag si Captain Gaid nga nakamatikod ang mga suspek nga pulis ang ilang ka-transaksyon ug misulay pa sa paglabog sa ilang gibitbit nga granada.
Hinoon, wala kini mibusikad.
Mi-angkon ang mga operatiba nga napugos sila sa pagpusil sa mga suspek kay misulay kini’g ekyas sa dihang sila pusasan.
Paspas nga gidala sa labing duol nga ospital ang mga suspek apan gideklarar sa mga doktor nga “dead on arrival”.
Ubay-ubay nga mga armas ug eksplosibo ang karekober sa mga otoridad batok sa mga suspek
Gibutyag ni Captain Gaid nga modus nila Cabajar ug Moral ang magrenta sa mga rooms sa mga beach resorts aron didto makigkita sa ilang mga kaubang drug pushers ug bahin ang ilang mga dalang shabu.
Gani, nasayud na daan ang mga otoridad nga armado ang wanted person nga si Cabajar tungod kay daan na kining may warrant of arrest sa kasong frustrated murder.
Milusad na sa follow-up operation ang PDEU kung kinsa ang mga supplier sa duha ka pusher nga ilang napatay.
Una niini, narekober sa crime scene ang usa ka 38 kalibre nga revolver, fragmentation hand grenade; usa ka heat sealed transparent sachet of Shabu (bust item); P1,000 Pesos Bill (Marked Money); 4pcs Elongated transparent sachet of Shabu; duha ka sako sa Shabu ug daghan pang uban.
