CAGAYAN DE ORO CITY – Nakasuhan na’g rape ang naka-jail probation nga suspek paglugos sa 17 anyos nga babaye kinsa hinigugma sa ‘grab’ delivery driver nga gitabanga’g dunggab-patay diha sa coastal road,Brgy Lapasan ning syudad.
Kini human gibarugan positibo nga gitudlo sa biktima nga siya gilugos sa suspek nga si Daniel Peligrino nga taga-Saint John,Brgy Puntod sa kasagbutan sa miaging Domingo.
Miingon si Agora Police Station deputy commander for investigation Lt Ronie Lyn Vedra nga may gihuptan na usab sila nga laing person of interest kabahin sa kauban ni Peligrino nga pabiling at large pa gikan sa pagkahitabo sa kremin.
Gawas kang Peligrino,una nang detinado si Erwin Adame nga giingong kabahin sa midunggab-patay sa biktima nga si Cris Semaña nga molopyo ra usab sa lugar.
Hisayrang igo lang nag-date ang menor de edad ug si Cris sa dihang kalit gilusob sa mga suspek diin unang gikaluta,gitabanga’g dunggab,gilugos ug gitulis sa miaging Domingo sa kadlawon.
